Usain and Mi

[kishmar 0]

For all of you who can understand the Patwa, please enjoy

Usain Bolt And Mi

By – Joan Andrea Hutchinson

Usain mi dawlin, mi just want yuh fi know dat sake a yuh, mi marriage almost mash up di odder day, because a piece of jealousy teck my husband.

Well wah never happen in a year happen in a day

Mi kyaan believe mi eyes

Ever since Usain Bolt win di Olympics 100 metres

Fi mi husband start exercise

Yuh tink a lickle talk mi a talk to him

Bout how him belly a get big

Mi tired fi tell him how him a get waggaty

An start to fayva pig

Mi spend mi money sign him up a gym

Steam vegetable gi him every day

Him suck him teet an say “Man must have guts”

And galang him merry way

But when Usain Bolt win di Olympic 100 metre gold

An mi start fi scream

“Usain Bolt mi love yuh, mi love yuh, mi love yuh

Yuh fulfill mi wildest dream”

Mi run up an dung inna di living room like mi mad

All liddung pon di floor

Mi say “Usain, a long time no man no excite mi so

Mi ago love yuh more and more”

Right now mi have picture of Usain Bolt pon every wall

And one beside mi bed

One pon mi t-shirt, two inna mi purse

And a Usain Bolt inna mi head

Usain Bolt full mi up wid so much pride

Mi doan even waan fi eat

And when mi talk bout how him body look good

Mi husband say mi sound like mi a cheat

Him mout long up and say mi have young bway nature

An a long time mi love mawga man

When mi tell him say Usain Bolt just meck mi feel good

Him say mi a behave like more dan fan

Him bex like bullfrog di odda morning

How mi gi him di breakfast cold

Sake a mi a watch di rerun a Usain a gi dem donkey length

Fi win di 100 metre gold

Dem show di race again when mi a cook di Satiday soup

Mi gi out “What a mawga man can run”

Mi dis hear “it come een like say sake a dis mawga man

Mi an mi Satiday soup a get bun”

Well Usain mi dawlin, dem say who bex lose

So mi say later fi him

But one ting mi know all of a sudden him start eat healty

And find himself a gym

And between mi an yuh Usain, him proud a yuh big time

But mi dear, nuh watch no face

Yuh name write pon mi heart dat Satiday when yuh get di gold

Inna di Olympics 100 metre race

joanandreahutchinson@chat-bout.net

[Marie876 0]

“it come een like say sake a dis mawga man Mi an mi Satiday soup a get bun”

LOL!!! Lawd mi laugh till mi dead!

Edited August 25, 2008 by Marie87

[Elizabethnhenry 0]

that's gooood!! Let's hope my hubby doesn't get wind of this and start put up pics of Veronica, Shelly Ann and all dem gyal pan we fridge.

[Yaads 0]

that's gooood!! Let's hope my hubby doesn't get wind of this and start put up pics of Veronica, Shelly Ann and all dem gyal pan we fridge.

True dat!!! Too funny

[Tash 0]

that's gooood!! Let's hope my hubby doesn't get wind of this and start put up pics of Veronica, Shelly Ann and all dem gyal pan we fridge.

wut a sin ting, lol

Good joke Kishmar

Edited August 25, 2008 by Tash

[Islandwoman 0]

But when Usain Bolt win di Olympic 100 metre gold

An mi start fi scream

“Usain Bolt mi love yuh, mi love yuh, mi love yuh

Yuh fulfill mi wildest dream”

I was looking at photos of him on NBC's web site - there are a couple that a very revealing and mi start thinking dat bwoy wi im FINE self!!!

[Yaads 0]

But when Usain Bolt win di Olympic 100 metre gold

An mi start fi scream

“Usain Bolt mi love yuh, mi love yuh, mi love yuh

Yuh fulfill mi wildest dream”

I was looking at photos of him on NBC's web site - there are a couple that a very revealing and mi start thinking dat bwoy wi im FINE self!!!

Oh really?!? Care to share?

[Elizabethnhenry 0]

Well I had no untoward thoughts ...ahem...but....my girlfriend asked me whether they were not supposed to ...ahem... wear cups? To which my sister replied, dat one (Mr. Bolt) needs a GIRDLE!!!!

Edited August 25, 2008 by Elizabethnhenry

[*JG* 2]

Well I had no untoward thoughts ...ahem...but....my girlfriend asked me whether they were not supposed to ...ahem... wear cups? To which my sister replied, dat one (Mr. Bolt) needs a GIRDLE!!!!

Ha....that's funny.

[Marlita 0]

HAHA WAAAHHAAA! Mi had fi step back an read dis again! Mi tink somebody gwaan tru mi head an write mi own thoughts! This sound like the EXACT same convo mi an di hubby chat bout!! haha! Him cyaan stand mi chat bout Usain!!

[Islandwoman 0]

Well I had no untoward thoughts ...ahem...but....my girlfriend asked me whether they were not supposed to ...ahem... wear cups? To which my sister replied, dat one (Mr. Bolt) needs a GIRDLE!!!!

Yuh see mi!!!!!! Woooieee.....

[Islandwoman 0]

But when Usain Bolt win di Olympic 100 metre gold

An mi start fi scream

“Usain Bolt mi love yuh, mi love yuh, mi love yuh

Yuh fulfill mi wildest dream”

I was looking at photos of him on NBC's web site - there are a couple that a very revealing and mi start thinking dat bwoy wi im FINE self!!!

Oh really?!? Care to share?

Look fi yuhself Yards....mi ago get some wata....

http://www.nbcolympics.com/trackandfield/p...yid=253422.html

[Yaads 0]

Look fi yuhself Yards....mi ago get some wata....

http://www.nbcolympics.com/trackandfield/p...yid=253422.html

LAWD HAVE MERCI PON MI YEYE DEM AN MI SOUL

Dem pictah nah leave nuttin fi imagine Not one ting If hennybody ask...Island is deh one fi lead mi astray

[Islandwoman 0]

Look fi yuhself Yards....mi ago get some wata....

http://www.nbcolympics.com/trackandfield/p...yid=253422.html

LAWD HAVE MERCI PON MI YEYE DEM AN MI SOUL

Dem pictah nah leave nuttin fi imagine Not one ting If hennybody ask...Island is deh one fi lead mi astray

I was just trying to watch the relay race that I missed!!

Wata...more wata...

[Yaads 0]

Look fi yuhself Yards....mi ago get some wata....

http://www.nbcolympics.com/trackandfield/p...yid=253422.html

LAWD HAVE MERCI PON MI YEYE DEM AN MI SOUL

Dem pictah nah leave nuttin fi imagine Not one ting If hennybody ask...Island is deh one fi lead mi astray

I was just trying to watch the relay race that I missed!!

Wata...more wata...

So dem all sey All dat wata nah good fi yuh, yuh knoa!

Edited August 26, 2008 by Yardiewife